ازاى تسوق نفسك (بجد هتندم لو معرفتش) من مشاركات العضو محمد حافظ

سالت نفسك هوة انا لية كل ماقدم على اميل او بالبريد او باى وسيلة تانية "اين كان نوعها"..........محدش يعبرنى ولا يبعتلى لية؟

الاجابة :اكيد فى حاجة غلط (يا اما فى الاتش ار بتاع البنك او فينا احنا)

طيب لو فى الاتش ار يبقى الغلط فين؟؟؟؟؟؟

اكيد الاتش ار معندهمش غلط ولا بيشتغلوا الناس علشان يقدموا بالكميات الضخمة دية وفى الاخر ميعبروش حد

يبقى الغلط اكيد فينا احنا!!!!!!!!!!!!!!!

اة فعلا الغلط عندنا احنا........(اقولك فين الغلط) 

1-السى فى بتاع حضرتك مش مكتوب باسلوب جذاب ومش ملفت للانتباه (مش هتصدق ان ليا واحد صاحبى اتقبل فى شركة كبيرة بسبب السى فى بتاعه ولما اشتغل قالوله ان احنا قبلناك بنسبة 70% بسبب السي فى بتاعك)

تصدق ان دة ممكن يحصل؟؟؟!!! فعلا دة حصل

يبقى اول حاجة لازم السي فى بتاعنا يكون منظم وله اولويات ومكتوب بصيغه فيها حبكة واسلوب مميز يجذب اللى يقراه وكمان فى ترتيب فى اولويات السي فى يعنى مثلا (فى البداية مقدمة صغيرة وبعد كدة بياناتك الشخصية وبعد كدة الهدف من الالتحاق بالوظبفة وبعد كدة الدرجة العلمية اللى انت عليها وبعدين الكورسات اللى معاك وبعدين التدريب سواء فى بنك او شركة وبعد كدة النهاية)

2-تانى سبب يخلى الاتش ار ما يتصلش بيك وهوة الكورسات اللى حضرتك حاصل عليها او خبراتك العلمية او المهنية بمعنى انى كتير بلاقى ناس بتاخد كورسات ملهاش علاقة بينا خالص وعلى سبيل المثال وليس الحصر تلاقى ناس بتاخد كورسات فى الفيجوال بيزك والجرافكس والفوتوشوب وكورس اتش ار وحاجات تانية ملهاش علاقة بالمحاسبة او بشغلنا الاساسى.........

بيفرق قوى مع الاتش ار انك تكون اشتغلت قبل كدة حتى لو فى مكتب محاسبة حتى لو سيلز حتى لو تدريب بس ..........فى اى مكان

انت عارف انك لو متدرب فى بنك وانت فى الكلية او حتى شركة بتميزك فى الاختيار عن الناس اللى ما اتدربتش

ودة لسبب بسيط جدا جدا

انت لو اشتغلت فى اى مكان او حتى ادربت دة معناه انك انتقلت من الحياة الاكادمية الى الحياه المهنية وراحت منك رهبة التعامل مع الناس ومعناه انك كل يوم بتقوم بدرى علشان تروح الشغل وبتلتزم بمواعيد معينة وبقوانين المكان اللى انت بتشتغل فية او حتى بتدرب فيه

تخيل بقى نفسك متعرفش ولا حاجة من دية هل ممكن الاتش ار يفكر انه يتصل بيك علشان يوجع دماغه مع واحد ""ابيض يا ورد"" زى ما بنقول بالبلدى ...............وما يعرفش حتى نظام العمل ماشي ازاى بس مش هوة دة كل حاجة ومش هوة دة الاساس

3-الحاجة التالته بقي وهية الانترفيو ودة الاساس اللى بتكلم علية"وهوة ازاى تبيع نفسك فى الانترفيو" واقصد بتبيع نفسك"انك ازاى تسوق نفسك،ازاى تخلى من نفسك سلعه تشبة الجوهرة والناس بتتلاهف عليها وعايزة تشتريها باى تمن" هوة دة اللى انا بتكلم عنه"

طبعا كلنا لازم نؤمن بان اى شغل دة رزق وربنا كاتبه لعبادة ولو ليك نصيب فيه اكيد هتاخده لو مفيش نصيب يبقى مكتوب لغيرك ولكن برضو كل شىء وله سبب والسبب انك تعمل اقصى ما عندك فى الانترفيو علشان تتقبل وربنا يكتبلك الخير فى شغلك الجديد

حجات لازم تكون عارفها وفاهمها ودارسها كويس قبل ما تروح اى انترفيو:

1-معلومات عن الاحداث الجارية خصوصا المالية وشوية سياسية زى الازمة العالمية وافلاس بنوك معينة وشركات تامين وحاجات زى كدة

2-تبقى عارف كويس وفاكر محتوى كل كورس انت اخدته لان ناس كتير بتاخد كورسات كتير ومن كترها بتنسي الكورس كان بتكلم عن اية لان فى الغالب الراجل بتاع الاتش ار بيناقشك فى اغلب محتوى السي فى وممكن يسالك عن الكورس اللى انت كاتبه............ وبالمناسبة"ممكن يسالك اية احسن مادة كنت بتحبها فى الكلية وجبت فيها تقدير؟"وخلى بالك السؤال دة مش من فراغ يعنى فى سؤال ديما بيبقى تابع لية وفى ديلة وهوة """"طيب كلمنى عن الجزئية الخاصة بكذا فى المادة اللى انت ذكرتها""ويبدأ يسالك فيها.............

3-اهم شىء بقي وهوة الاستعداد النفسي بمعنى انك تبقى مروق بالك ومش قلقان ولا متضايق من حاجة ولازم تكون واثق من نفسك وعندك ثبات عالى وتركيزك عالى........... برضو (الابتسامه الخفيفة ،الوقار،الذكاء فى التصرف، الثقة اللى مش زايدة عن اللزوم،جرىء،ودود،منظم فى كلامك،عارف هتقول اية ومش هتقول اية،خليك صريح وبلاش تكذب لانه ممكن يسالك سؤال فى اول الانترفيو ويقوله بصيغه تانية فى نهاية الانترفيو و انت مش واخد بالك وتجاوب باجابة مختلفة وكدة كلامك يبقى متناقض وبعد كدة "يلا السلامة"..........وبعدين يا اخى الكذب حرام(بلاش علشان الراجل خليها علشان ربنا) ههههههههههه 

<img alt="" title="Boulay" border="0"> <img alt="" title="Boulay" border="0"><img alt="" title="Boulay" border="0">

......لا......(لا تفعل الاتى):-

(لاللانفعال،لا للخجل،لا تكن احمق،لاتكن ثرثار يعنى ماتتكلمش كتير وتلوك على الفاضى وتبقى فزلوكة وتعمل فيها ابو العرييييف.......،تجنب الضحك فى مواقف لاتتطلب منك حتى الابتسامه،تجنب الهزار يعنى بالبلدى مش هوة دة المكان اللى الواحد ممكن فيه يستخف دمه) 

هام وخطير جداجدا جدا 

اياك ثم اياك ثم ايالك -مهما كانت درجتك العلمية وخبراتك العملية- انك تستخف بعقلية اللى قدامك مهما كان سازج فى نظرك واعرف كويس ان مفيش حد فى الاتش ار اهبل وبرياله.......وماتحاولش ابدا تحسسه انك احسن منه حتى لو انت كدة

ماتكنش كثير الكلام لان فى مثل بيقول"من كثر كلامه كثرت سقطاته"

كل كلمة طالعه من لسان ديما تكون بميزان لان الكلمه لها اتجاة من اتنين يا اما هتبقى ليك او عليك........

اعرف شخصية الشخص المحاور بمعنى انك تقرا تفكيرة وتعرف هوة عاوز اية ومركز على اية وفى الغالب ديما بيعرف طريقة تفكيرك وطريقتك فى الكلام وردود افعالك وتصرفاتك فى مواقف معينة وهوة ممكن يحط فى موقف اثناء الانترفيو من غير ما تاخد بالك او يحصل موقف بالصدفة ويشوف رد فعلك وعلى سبيل المثال وليس الحصر"دخل عليكم زميل واتكلم فى موضوع معين قدامك...................وقتها هيشوف... هل انت مركز معاه ولا مركز فى حاجة تانية وممكن يخليك تشارك فى الحوار ويشوف طريقة كلامك وتصرفك ورد فعلك

مثا ل تانى الموبيل رن وهوة مش عاوز يرد ويسالك ارد ولا لآ وبرضو هيشوف انت هتقول اية........

مثال تالت يولع سجارة (ودية مش بتحصل الا فى الاماكن النص كوم) ويسالك انت مضايق منها ولا عادى...........خصوصا لما يسالك فى اول الانترفيو انت بدخن ولالآ..............

ديما:

لازم يكون فيه اسئلة ذكاء واختبار تفكيرك وردود افعال ومدى تصورك وتخيلك للامور..........

حاول تجذب المحاور لمنطقة كلام انت حاببب تتكلم فيها وحاسس انك هتبدع فيها يعنى ارمى الكورة فى ملعبة وانت اللى تشوط.......انت بتحب البورصة وفاهم فيها كلمة عن كورساتك فيها واشرحله اللى حصل فى السهم الفلانى ولو كان حصل كذا كان ممكن نتجنب كذا..........ورايك مثلا فى حل المشكلة وسببها وازاى نعاجلها فى مصر ونواجهها ازاى لو حصلت تانى وهكذا......... 

الاسئلة الشائعة 

فى الغالب او بنسبة 90% فى اى انترفيو رسمى فية خمس او ستة اسئلة معروفين:

1-عرف نفسك

2-نفسك تبقى اية بعد خمس سنين او طموحك اية فى السنين القادمة

3-قول نقطتين ضعف ونقطتين قوة فيك

4-يسالك عن الحاجة اللى انت رايح تشتغل فيها يعنى لو خدمة عملا يسالك تعرف اية عنها لو عمليات يسالك عاوز تشتغل اية فى العمليات او تعرف اية عنها وهكذا

5-لية شايف نفسك مناسب للوظيفة دية وقولى الاسباب اللى تخلينى اقبلك معانا فى البنك او الشركة بتاعتنا

6-عاوز تسيب شغلك الحالى لية (دة لو كنت شغال قبل كدة)

طبعا مش اقل من ثلاث اسئلة من الخمسة لازم تتسالهم فى اى انترفيو.

انا برجح انى ما اجاوبش على الاسئلة لدية لان لو جاوبت اجابة معينة هتبقى Standard وتتحفظ ويبقى كل مصر بترد نفس الرد فى اى انترفيو فى اى مكان وفى اى وقت...............

وانا سايبها لتفكيرك وزوقك ياعم وانت وشطارتك

الانترفيو انواع: 

1-انترفيو فردى(يعنى انت وحد من الاتش ار)

2-انترفيو جماعى(مجموعه من المتقدمين للوظيفة وحد من الاتش ار)

3-اكتر من محاور وانت لوحدك او معاك حد

من رايي اسهلم واحد من الاتش ار ومجموعه من المتقدمين لانك بتحس بالامان اكتر وممكن تستفيد من خبرة اللى قبلك وتتجنب الاخطاء اللى وقعوا فيها وكمان بتحس انك مش وحدانى والتركيز كله مش عليك لوحدك........

IQ Test Online

Enlish Test Online

مع تحيات ادارة شغلني شكرا

Résuméshghlnyshokran

اسئلة الانجليزي الخاصة بامتحانات الشركات

اسئلة الانجليزي الخاصة بامتحانات الشركات 

اهلا بكل زوار واعضاء شغلنى شكرا الكرام

النهاردة جايبينلكم ملف فيه اسئلة الانجليزي الى ممكن تلاقوها فى امتحانات الشركات الى هتقدموا فيها

او حتى ممكن تلاقوها فى امتحانات الكورسات زى منحة iti 

لتحميل الملف اضغط على اللينك الموجود تحت الصورة 

http://www.mediafire.com/?5d5q5ksiekqizdt

اقرأ ايضا :

معظم اسئلة الانترفيو الشائعة بمجال خدمة العملاء والمبيعات والرد عليها

اكبر تجميعة اسئلة اى كيو وانجلش وبعض الاجايات

كل ايميلات شركات خدمة العملاء وارقام الاتش ار

ازاى تنجح فى المقابلة الشخصية لاى وظيفة فى اى شركة بدرجة امتيااااز

الاسئلة اللي بتبقي في اي انترفيو في اي كول سنتر

IQ Test Online

Enlish Test Online

مع تحيات ادارة شغلنى شكرا

Résuméshghlnyshokran

الصفات التى يجب إظهارها فى المقابله الشخصيه

أثناء المقابله الشخصيه يجب إظهار الصفات التى تعطى أفضل إنطباع يأتى بالنتيجه التى تتمناها. هذه الصفات هى :ــ

الثقه بالنفس :  

إذا كنت واثقا من نفسك, سيلاحظ الآخرين ذلك. من السهل أن يثق الناس فى   الشخص الذى يثق بنفسه. الممتنحن أيضا سيثق فيك. ولكن إحذر أن هناك فرق بين   الثقه فى النفس وبين الغرور. يجب أن تفهم أن الغرور صفه تستفز الآخرين   وتبعدهم عنك , بينما الثقه بالنفس تجعلهم يشعروا بالإطمئنان لأنك تعرف ما   هى قدراتك و تستطيع التصرف.

الحماس :

الحماس معدى و ينتقل بسرعه  لمن حولك. فى محيط العمل يثير الحماس الآخرين و  يشعرهم بالسعاده لإجادتهم و  سرعه إنجازهم للعمل. هذه الصفه تحقق هدفين فى  المقابله الشخصيه؛ تظهرك  كشخص محب للعمل, وتشعر الممتحن بالرضا عنك.

الميل الإيجابى :

السلبيه تصد الجميع و تنفرهم منك. الميل الإيجابى يخلق مناخ مريح فى   المقابله, ويعطى الممتحن نظره أعمق لإمكانياتك فى بيئه إنتاجيه للوظيفه.

شخصيه توافقيه :

عاده ما يختار الممتحن من يروقه من المتقدمين, و لا يقبل الشخص التصادمى.   هذه الصفه يصعب التعامل مع الشخص الذى يحملها. عليك أن تقدم نفسك على أنك   فرد يحب العمل فى فريق, ولديك الإستعداد للتغيير لتتوافق مع باقى الفريق.

الوعى بمجال العمل :

المعرفه الجيده بمجال الصناعه للمنشأه المتقدم لها و الصناعات المتعلقه   بها, يظهر مدى إهتمامك بالتعلم و المعرفه و التطور داخل الوظيفه التى تتقدم   للعمل فيها.

التعلــيم :

لا يحل التعليم بالضروره مكان الخبره. و  لكن إذا حصلت على شهاده ثم زدت  عليها بدورات متخصصه فى المجال الذى تلتحق  به , يتغاضى الممتحن عن الخبره,  لأنك بهذه الدورات ستكتسب الخبره بسرعه مع  قليل من التدريب.

مهارات الإتصال :  

بدون هذه الصفه تخسر, لأنك  لن تستطيع تقديم نفسك جيدا. الإتصال المباشر  الذكى يجعلك تظهر واثقا من  نفسك, مستعد وجدير بالثقه. إن هذه الصفه تعطيك  القدره على أن تروج لنفسك  أمام الممتحن و تظهر صفاتك الأخرى بوضوح.

تاريخ مستقر :سجل مستقر عن  حياتك العمليه السابقه إن وجدت, و الدراسه وعدم  وجود مشاكل قانونيه, يعطى  إنطباع فى صالحك عند الممتحن.يعتبر أصحاب العمل  أسلوب حياه عملى مستقر  مقياس لمدى وفائك و إخلاصك لمن عملت لديهم سابقا.

المظهر و الملبس  :المظهر ليس كل شىء, فقد تبدو أكثر من سنك أو أذكى أو  أنضج عاطفيا . بعض  الأفراد يحكم على الخطاب من عنوانه, وللأسف هذا ما يحدث  أحيانا فى المقابله  الشخصيه. يجب أن تتعامل مع ذلك بمظهر أنيق و ملبس  مناسب و رائحه زكيه, وكل  ذلك دون مبالغه.

عقل منفتح مرن :إظهار المرونه للتوافق مع المحيط  الجديد الذى ستعمل فيه  ومع المهمات التى ستؤديها, تجعلك تظهر فى صوره الشخص  الذى يمكنه تأديه ما  يطلب منه إنجازه. هذا بالضبط ما يريده صاحب العمل ـ  شخص قادر على تنفيذ ما  يطلب منه من عمل.

سرعه البديهه :التصرف السريع و  الإجابه على الأسئله المفاجئه, يظهرك كشخص  يستطيع مواجهه الإزمات والمشاكل  التى قد تظهر فى العمل و إيجاد الحلول  المناسبه لها و فى أقل وقت ممكن.

التصــميم :من أهم المعايير التى يتبعها أصحاب العمل, هو التصميم على   الإنجاز. و تظهرك هذه الصفه إنك شخص محارب وليس شخصا إنهزاميا ينسحب من أى   مواجهه لموقف صعب, و إنك دائما تٌنجز ما يوكل إليك بعزيمه وتصميم.

المجــامله :  

عاده ما تكون نظره الأفراد إيجابيه للشخص المهذب الذى يظهر الإحترام لكل   من يتعامل معه. هذا السلوك يظهرك كشخص يمكن التعامل معه لطيبته وأدبه.

الصدق و الأمانه :كونك مخلص و أمين فى الرد على أسئله الممتحن هى أفضل   وسيله لكسب المقابله, لأن أساس أى علاقه عمل ناجحه هى الثقه. إذا بدأتها   بالغش و الكذب بالتأكيد ستخسر ولن يكملوا معك المقابله.

روح  الفكاهه:المرح البسيط دون تهريج أو مبالغه يعطى مناخ لطيف و يظهر قوتك  وعدم  خوفك. هذه الصفه تعطى الممتحن الثقه فى أنك تتمتع بشخصيه قويه يمكن   الإعتماد عليها. لا تبالغ وإلا ستفقد إحترام من حولك لأن هذا مكان للعمل   وليس للتهريج و إضاعه الوقت   

 مع تحيات ادارة شغلني شكرا

Résuméshghlnyshokran

28 سؤال فى المقابلة الشخصية

28 سؤال فى المقابلة الشخصية
هذي مجموعة من الاسئلة اللي ممكن تصادفكم في المقابلة الشخصية و الاجوبة المثالية لكل سؤال. الاسئلة هذي شائعة في سوق العمل .
1. احكي لي عن نفسك؟ اجب بإيجاز وركز على حياتك المهنية. ليس من المناسب ذكر علاقاتك وذكريات طفولتك وأسرتك, بل المطلوب ذكر تاريخ موجز لخلفيتك التعليمية وحياتك المهنية واهتماماتك الخاصة. اختم حديثك بأسباب اهتمامك بالحصول على الوظيفة. 2. لماذا تقدمت للحصول على هذه الوظيفة؟ قم بإظهار الاهتمام وبرهن انك قمت بالبحث عن معلومات حول تلك الوظيفة وأنك تعلم متطلباتها عن طريق التحدث عن المهام التي قمت بها في وظيفتك السابقة او مجال دراستك التي تؤهلك للوظيفة. بوسعك القول أنك تريد العمل لشركة رائدة في مجال الاتصالات (على سبيل المثال) وأن شهادتك الجامعية في مجال الرياضيات تعطيك خلفية مناسبة للوظيفة. كما اذكر ما الذي تستطيع أن تضيفه للشركة. 3. ماذا تعلم عن الشركة؟ اذكر ما تعلمته عن الشركة خلال بحثك عن المعلومات بشأنها خلال تقاريرها السنوية والصحف وسمعتها أو من موظفيها. استغل هذه الفرصة لمدح أصحاب العمل والبرهنة لهم أنك قمت بالإعداد البحثي الجيد. 4. ما الذي يؤهلك لتولي الوظيفة؟ اشرح أنك مهتم بالوظيفة وبرهن أن خبراتك وتعليمك ومؤهلاتك يجعلاك الشخص المثالي لتولي الوظيفة. اظهر الحماس ودلل على أجوبتك بأمثلة عملية. اشرح خبراتك ومؤهلاتك التي تناسب الوظيفة باستفاضة. وفي الأحيان التي لا تناسب خبرتك السابقة الوظيفة، تستطيع أن تجد عناصرا منها يمكن الاستفادة منها في الوظيفة التي تتقدم لشغلها مثل مهارات استخدام الحاسب الآلي أو القدرة على العمل في فريق لإظهار روح المبادرة حتى إن لم تتمتع بخبرة في مجال العمل. 5. ما الذي تستطيع تقديمه للشركة ولا يستطيع تقديمه شخص آخر؟ اذكر نقاط قوتك ومهاراتك وصفاتك الشخصية. 6. لماذا نقوم بتعيينك؟ أنظر النقطة 3. لأنك تتمتع بالخبرة/الصفات/المؤهلات المذكورة في نقطة 3 بالإضافة إلى انك متحمس وتتمتع بالذكاء وحب العمل والمرونة والقدرة على التعلم. واذكر اي اتصالات لديك قد تساعدك على تأدية وظيفتك. 7. عن ماذا تبحث في الوظيفة؟ كن صادقا، واذكر أيضا صفات مثل "التحدي وفرصة جيدة للتعلم وبيئة وظيفية مناسبة، إلخ… 8. لماذا تريد تغيير مجال عملك؟ اذكر اهتماماتك وأيضا جميع المهارات او الخبرات ذات الصلة بمجال العمل الجديد. من الشائع هذه الأيام تغيير المجال الوظيفي، إلا أنه عليك أن تبرهن أنك فكرت بتمعن بشأن التغيير، وأن لديك اهتمام قوي بمجال العمل الجديد وأنك في وسعك استخدام بعض المهارات او التعليم أو الاتصالات في المجال الجديد. 9. لماذا تركت وظيفتك السابقة؟ لا تقم بانتقاد أو سب أصحاب عملك السابقين أو تتحدث عن إخفاقك. تستطيع القول انك تبحث عن تحد جديد، او أن تعلمت ما فيه الكفاية من وظيفتك السابقة أو ان شركتك السابقة كان يتم أعادة هيكلتها، أو أنك جاهز لبدء مرحلة جديدة في حياتك بعد تحقيق أهدافك في شركتك السابقة. 10. لماذا تريد العمل لدينا؟ برهن أنك تعلم بعض المعلومات عن الشركة وأنك تؤمن أنها الرائدة في مجالها، أو أن بيئة العمل بالشركة هي التي تبحث عنها، أو انك تحب منتجات الشركة، أو أن أصدقاءك الذي يعملون بالشركة يمتدحونها. امتدح الشركة واظهر أنك تعلم بعض المعلومات عنها. 11. كم من الوقت تحتاجه قبل أن تبدأ بالإسهام في الشركة؟ اظهر انك متحمس وأن لديك قابلية للتعلم وأنك مستعد لبذل الجهد لمعرفة مجريات الأمور بالشركة والبدء في المساهمة الفورية. قم بالإشارة إلى أن خبراتك السابقة ستمكنك من الإسهام مباشرة في مجال معين بينما تتعلم المزيد عن سائر المجالات. يريد من يجري المقابلة أن يعين موظفا يمثل عائدا سريعا لاستثماراته. 12. ما هي نقاط قوتك؟ أنظر النقطة 14 أدناه. بالإضافة إلى ذلك الجمل مثل لاعب فريق، وأعمل جيدا تحت الضغط، ومبدع للغاية، وأتمتع بمهارات استخدام الحاسب الآلي قد تكون ميزة لمجال عمل أو آخر. 13. ما هي نقاط ضعفك؟ لا تذكر أية نقاط ضعف. المقابلة ليست المناسبة للاعتراف بأنك تجد صعوبة في الالتزام بالمواعيد النهائية او أنك لا تجيد الرياضيات. قم بتحويل السؤال لخدمة مصلحتك عن طريق القول أنك (على سبيل المثال) تهتم كثيرا بالتفاصيل أو أنك مفرط في طموحاتك أو أنك تستمتع بالاشتراك في مهام عدة. 14. ما هي أهدافك في حياتك المهنية؟ اظهر أنك قد فكرت في المستقبل وأنك ملتزم بتحقيق النجاح في حياتك المهنية. 15. كيف تصف نفسك؟ أي من تلك الصفات يبحث عنها أصحاب العمل: ذكي – مجتهد – سريع التعلم – متمس – صادق – كفء – منتج – طمح – ناجح. 16. كيف يصفك زملاءك؟ لا تذكر أي صفات سلبية. 17. كيف يصفك مديرك السابق؟ سيقوم صاحب العمل بالمراجعة في أي حال من الأحوال، فاذكر أكثر الصفات إيجابية بشأن نفسك ودع الأمر لمديرك السابق إذا كان يريد أن يذكر شيئ يخالف ذلك. 18. ما هو أكثر شيئ أحببته أو كرهته بشان وظيفتك السابقة؟ لا تستخدم الإجابة على هذا السؤال لسب مدراء عملك السابقين. ركز إبراز العوامل التي هي في صالحك مثل القول أنك استنفذت كافة إمكانيات الوظيفة السابقة أو كافة إمكانيات التعلم منها. 19. قم بوصف موقف في ماضيك أبديت فيه روح المبادرة بوسعك ان تصف وسائل ابتكرتها لتأدية وظيفتك أو لخفض المصروفات. يمكن ان يكون هذا الموقف غاية في البساطة، مثل تغيير نظام حفظ الملفات. لو كنت تعمل في مجال المبيعات، قد تريد التحدث عن كيفية حصولك على الصفقة الكبيرة. 20. ما المسئوليات الرئيسية التي قمت بها في وظيفتك السابقة؟ جهز ردك على هذا السؤال وقم بذكر جميع المسئوليات التي قمت بها مع إعطاء شرحا تفصيليا للمسئوليات ذات الصلة بالوظيفة التي تتقدم لشغلها. 21. ما هى أعظم انجازاتك؟ للعديد منا بعض الإنجازات التي نفخر كثيرا بها مثل الحصول على ترقية مبكرة أو الصفقة الضخمة التي حصلنا عليها، إلخ…. لو كنت حديث التخرج اذكر الأنشطة التي قمت بها بالجامعة أو الأدوار القيادية التي قمت بها ودرجاتك. 22. أوصف أسلوبك في الإدارة لا رد 23. هل تعمل بصورة أفضل في فريق أو بطريقة مستقلة؟ اظهر انه في وسعك العمل في فريق لمعرفة رد فعل الآخرين تجاه أفكارك، إلا انك قادر على العمل باستقلالية واعط أمثلة. 24. كيف تعمل تحت الضغط؟ جيدا. قم بإعطاء أمثلة. 25. ما هي الوظائف الأخرى التي تقدمت لشغلها؟ لا تذكر الوظائف في المجالات الأخرى، واذكر أية مقابلات او عروض حصلت عليها من شركات منافسة. 26. كيف كان أداءك الجامعي؟ حافظ على الإيجابية. ليس عيبا أن تقول أنك كنت تشارك كثيرا في الرياضة والأنشطة والحياة الاجتماعية، حيث أن أصحاب العمل لا يريدون تعيين إنسان آلي. اذكر المواد التي حصلت فيها على درجات جيدة حتى وإن كانت مادة او اثنين. 27. ما هي ساعات العمل التي تفضلها؟ يحب أصحاب العمل المرونة. اذكر انك مستعد للعمل حتى انتهاء المهمة. قم بذكر إية التزامات لديك مثل اضطرارك لإحضار أطفالك من المدرسة الساعة الثالثة والنصف. سيبدي أغلب أصحاب العمل المرونة إذا أبديت أنت المرونة أيضا. 28. هل لديك أسئلة لي؟ نعم. توجيه الأسئلة يظهر أنك مهتم. قم بتوجيه الأسئلة التي تظهر معلوماتك عن الشركة أو الوظيفة، وانك تخطط لمستقبل وأنك متعطش للتعلم. اقرأ مقالة "أسئلة توجهها لمن يجري معك المقابلة".
فيما يلي بعض الأسئلة حتى تعرف المزيد عن وظيفتك لماذا هذه الوظيفة شاغرة؟ ما هو مستوى الخبرة للشخص المناسب لشغل الوظيفة؟ ما هو التدريب الذي يتم توفيره؟ ما هي المسئوليات التي سأناط بها؟ ما الذي يتضمنه يوم عمل عادي من مهام ومشروعات ومسئوليات إلخ…؟ ما الذي تستطيع ان تقوله لي بشأن فريق العمل الذي سأعمل معه؟ ما هي الأهداف التي تريد مني تحقيقها في وظيفتي؟ هل هناك تدرج وظيفي معين في الشركة؟ ما هي المشاكل التي قد أواجهها في هذا الوظيفة؟ ما هي الموارد (ميزانية مثلا) المتاحة لتأدية وظيفتي؟ ما هي التغييرات الجوهرية التي تتوقعون أن تحدث في الشركة مستقبلا؟ ما هي نقاط قوة الشركة؟ كيف سيتم تقييم أدائي الوظيفي؟

Résuméshghlnyshokran

هااااام الفرق بين شركات النصب والحقيقة هام لحديثي التخرج

السلام عليكم ورحمة الله وبركاته اهلا بكل اعضاء وزوار شغلني شكرا

في ظل مشكلة البطالة و سوء التعليم و قلة الوعي و الخبرة و الإحتكاك في سوق العمل بيواجه كتير من الشباب مشكلة سوء إختيار المكأن المناسب اللى يبدءوا بيه حياتهم أو يحسنوا به أوضاعهم المادية .. و نظرا لإحتياج كتير من الشباب للعمل و نفور كتير من الشباب من العمل كمندوبين مبيعات و الرغبة في العمل المكتبى بدون خروج للشارع و بهدلة .. فظهر في سوق العمل ما يسمى بشركات الوهم و شركات النصب و ظهر سماسرة التوظيف و أماكن تدريب كتيره والتي تحأول أن تستفيد من أزمة البطالة و تكوين ثروات سريعة في وقت قليل 

طبعاً في فرق بين شركات الوهم و شركات النصب والشركات الحقيقية

شركات الوهم هي الشركات التى توهمك بوضع وظيفى متميز و مرتب كبير و مناخ أكثر من رائع و لكن على عكس الحقيقة.. هي بتشغلك حقيقى و بتبيع منتجات حقيقية و لكن بأسلوب فيه خداع ليك و غالباً للزبائن .. شركات النصب هي نفس الحكاية و لكنها لا تكتفي بمجهودك و لكن أيضاً تأخذ منك فلوس بدون مقابل مربح ليك . 

بخطوات عملية و تدقيق بسيط تقدر تميز 

بين الشركات و الأماكن الجادة التي تستطيع أن تكتسب فيها خبرة أو دخل مناسب أو استقرار مهني و في نفس الوقت تجنب نفسك الدخول في تجربة ( غير لطيفة ) إلا لو كنت حابب أنك تكتسب خبرة التعامل مع البشر ! 

و أنت تتصفح الاعلانات المبوبة في الأهرام أو الوسيط أو منتديات التوظيف أو غيرها من الوسائط تجنب الآتي قدر الإمكان : 

المراكز التي تقول أنها تتعامل مع جامعات و كليات بريطأنيا ، و أحصل على كورس و آخر مجأناً ،و بـ 300 جنية دورة أنجليزية شامله .. كل ده فااااااااكس و مستواها التعليمى زبالة .. هي مفيدة فقط لمن هو صفر في الإنجليزى .. و الكلام ينطبق على تعليم الكومبيوتر 

أيضاً المراكز التي تعرض تدريبات أو كورسات مجأنية .. ينطبق عليها نفس الكلام .. لأن مفيش حاجة هتاخدها ببلاش يا صاحبي !

مراكز التنمية البشرية .. التي تدعوك للحصول على شهادة مش عارف إيه المعتمد .. فاااكس آخر حاجة و مش هتنفعك في شغل محترم .. هي سبوبة و ليست أكثر و موضة .. و ممكن بدلاً منها أن تلجأ إلى أي شخص حكيم كصديق أو قريب أو حتى من الأنترنت أو التلفزيون و ستسمع اشياء مفيدة دون الحاجة لدفع مال للحصول على شهادة !

الشخصيات التي تدعى أن لديهم معرفة بموظفي الـ hr أو الموارد البشرية و لديهم القدرة على تشغيلك مقابل مال تدفعه أنت في صورة كورس أو تمرين أو أو .. كل دي اشتغالات و سبوبة .. و من الممكن أن تقوم أنت بتأهيل نفسك عن طريق قراءة الكتب أو تحميل الكورسات أو المحادثة مع أحد المعارف أو الاصدقاء ممن لهم باع في الوظيفة التي تريدها بدون فلوس

الأشخاص الذين يدعون حصولهم على شهادات عالمية من الخارج احترس منهم جيدا و لا تنخدع بكلامهم و مظهرهم .. سواء كافراد أو مديرين في شركات و مهما كانت الهالة المحيطة بهم .. كل ده رص كلام و نقل لكتب أجنبية أو تجارب شخصية تستطيع معرفتها و تعلمها دون الحاجة لدفع أموال لأشخاص من أجل تعليمك أو توظيفك أو حتى تأهيلك و تدريبك .. إلجأ دائما - أن استطعت - إلى أماكن التدريب المعتمدة و مراكز اللغات ذات السمعة الجيدة و الغالي تمنه فيه

الشركات التى تطلب موظفين للتوسعات الأفقية و الرأسية .. كل ده مهلبية !

الأماكن التي تكتب أرقام مرتبات في الإعلان هي أرقام وهمية لجذب إهتمامك

الإعلانات التي تحتوي على الآتي : فرص للترقي للمتميزين .. علاقات عامة من الجنسين .. موظفين داخل الشركة و خارج الشركة .. كادر وظيفي للفرع الجديد للشركة .. سواء كان الاعلان بالعربي أو الإنجليزى فلا تنخدع

الشركات التي لا تفصح عن أسمائها الحقيقية .. و لا طبيعة الوظيفة المطلوبة بشكل محدد..

الشركات التي تصف نفسها بجنسية عربية أو أجنبية أو تقول أنها شركة دولية .. كل ده أي كلام في الحمام !

كل الشركات السابقة هي شركات مبيعات و تطلب مندوبين مبيعات أو تحصيل و ما شابه لا أكثر و لا أقل .. و لا تتوقع غير ذلك 

حينما تذهب صديقي الشاب أو الشابه إلى شركة .. فلاحظ الآتى و أنت مقدم على هذة الخطوات : 

الشركات و المؤسسات المحترمة خاصة التجارية و الخدمية لا تكون مقراتها شقة في عمارة .. و أن كانت محترمة فلا تتوقع منها مرتب مبهر .. بل أقل دخل و أكثر مجهود

إذا طلب منك تقديم أي مبلغ للأبليكشين أو لأي رسوم حتى لو جنية واحد .. للخلف در و اخلع

لا تنغر بالإستقبال الحار أو الإبتسامات أو الشباب المرتدي للبدل الأنيقة و الكلام المعسول حول امكانية الحصول على مرتب كبير و و .. فهذة كلها تمثيلية مدروسة و محكمة و لها تفاصيل محددة

أي شركة ليس لها موقع على الإنترنت .. فمن الأفضل أن تراجع نفسك قبل التقديم فيها .. و لو كان لها موقع فابحث عن من عملوا فيها قبلك و استفسر منهم

الشركات التي تعمل في منتجات مختلفة و متنوعة ( رياضة على فلاتر على الكترونيات على على )هي شركات مبيعات ( من شركات الوهم ) و لن تقوم بتشغيلك إلا في هذا الإطار " مندوب مبيعات " و طبعاً بأقل مبلغ و نسبة و أسوأ معاملة .

حذاري .. إياك و الإمضاء على أي ورقة أو إيصال على بياض .. أو على تعهد بشىء لم تقوم به .. مهما كانت الظروف و مهما كان احتياجك للوظيفة

احترس من شركات التوظيف للخارج الغير معتمدة من وزراة القوى العاملة .. و كما يقال فى الاعلان : إسال إستشير

ـــــــــــــــــــــــــــــــــــــــــــــــــــــــــــــــــــــــــ

دى رسالة تحذير من احدى الفتيات

يارب ربنا يحفظنا من كل شر ويبعد عننا اى مكروه

أرجو الحذر من التعامل مع صاحب هذا الإيميل حيث أنه ينصب علي الفتيات وللتأكد إبحثوا عن إعلاناته على الإنترنت والحمدلله الذى نجانى منه وحسبى الله ونعم الوكيل فيه أرجو الحذر منه وأرجو النشر

thefox_man11@yahoo.com

خلانى سافرتله اسكندرية وقالى ان المقابلة هتكون فى فرع الشركة الاصلى عند حضور اللجنة فى المنياااا

سبحان الله انا طول الليل وطول الطريق قبل ما اوصله كنت بستغفر واكيد ده اللى نجانى وربنا نور بصيرتى ربنا يستر على نساء المسلمين البنى ادم ده لازال بينزل اعلانات لعقود عمل ربنا ينتقم منه ويجعل كيده فى نحره

اصلا هى مش شركة هو وهمنى انه بيفتح فرع جديد وهياخد منى الورق فى الشارع ووقت ما تيجى اللجنة تعمل الانترفيو هسافر لمحافظة تانية فيها الشركة الأصلية ولما بحثت عنه بعد ما اديته الورق اكتشفت ان اعلاناته كلها تطلب سيدات وفتيات وايميله ظهرلى فى بعض الاعلانات القذرة ومفيش شركة اصلاً

01120513269--01141085751 دى ارقامه

يا ريت تعملوا شير علشان اكبر عدد من البنات تعرف

ويا ريت لما تيجو تبعتوا ابعتوا اعلانات بس بتاع الشركات

يعني مثلا

Marwa@vodafone.com

ولو مجاني يبقي لازم تكونو عارفين مين الشخص اللي هيتبعت له او يكون عندكم ثقه فيه

تحذير هام جدا من

فى شركة نصابين بياخدو 400 ج علشان يشغلو الشباب فى فنادق فى شرم و مرسى علم بمرتبات متوسطها 500 و ممكن يقل و قل ما اذا زاد و الشباب يروح هناك يتفشوهم و فى الاخر علشان فلوسهم تروح عليهم الشركه ديه فى حدايق القبه فى شارع من الشوراع المطله على سور القصر الجمهورى اسمها شركة الرواد لادارة و خدمات الفنادق 354 ش طنطا تليفونهم 24518783 و ليهم ضحايا كتير

اللهم بلغت

ـــــــــــــــــــــــــــــــــــــــــــــــــــــــــــــــــــــــــــــ

تحذير لكل الشباب

من التعامل مع (عبد العزيز زيدان ) صاحب مكتب( جوهرة الخليج)58 شارع القصر العينى ... لان المكتب ده وصاحبه بيضحكوا على الشباب وياخد الفلوس لمده سته شهور وهو معشم الناس بالسفر .. وبعد كده تاخد الفلوس بالعافيه ومفيش سفر اول ما نزل اعلان نزل للامارات محاسبين وبائعين وكاشير انا كنت محاسب غير ناس معانا تانيه خد مننا الفلوس بدعوى ان التأشيره بتيجى باسمك عشان يضمنك ده اول النصب وقال 20 يوم وبعد العشرين يوم يقولك بكره بعده الاسبوع الجاى لغايه مايعدى 6 شهور وبدعوى ان الراجل مره جه مره عند مراته فى دمياط مره فى الفندق ولسه العقود فى القوى العامله مش انا بس اكثر من 15 شخص وكان هناك واحد خد الفلوس ايضا ونزل اعلان للتحذير منه قبل ذلك ارجو عدم التعامل مع هذا المكتب النصاب حتى لايعانى الشباب مثلنا ولا تدفع فلوس لاى مكتب يريد مقدم بدعوى انك هتاخد وصل كل ده تعطيل هما المستفيدين حسبى الله ونعم الوكيل فى اصحاب المكاتب ده اللى بتوهم الشباب وتاخد الفلوس تشغلها وحسبى الله ونعم الوكيل فى كل المؤذيين واولهم عبدالعزيز زيدان انشا ء الله انا هروح اقدم فى شكوى فى مكتب العمل والناس اللى ضحك عليهم وحسبى الله ونعم الوكيل واللى ليه فلوس عنده او معشمه بالسفر يروح يخدها قبل مايحصل اى حاجه او تضيع وقتك على الفاضى

ــــــــــــــــــــــــــــــــــــــــــــــــــــــــــــــــــــــــــــــــــــــــــتت

قائمة بأسماء الشركات النصابة

ــــــــــــــــــــــــــــــــــــــــــــ

الإعلان ده بقاله سنين موجود في الاهرام 

لجريدة الحيــاة

جميع المؤهلات وسكرتارية ومواهب وســُعاه

23914830

23929863

0129380884 

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

إحذروا منها شركه نصب في نصب

قطاع البترول شركه امون جابات

مطلوب مهندسين جميع التخصصات

بكالوريوس تجاره

... حاسب الى

اداب

حقوق

خدمه اجتماعيه

دبلومات فنيه

سائقين

عمال تحميل - نظافه مؤهل وبدون

للاستعلام وتقديم السيرة الذاتية تليفون 4560

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

موظفات خدمة عملاء للعمل داخل مقر الشركة في المعادي للرد على الهاتف واستقبال المكالمات

فقط ضمن أجواء عمل مريحة .

الدوام الكامل ليلي ونهاري :

ساعات العمل النهارية من 1 ظهرا حتى 10 مساء , المرتبات 1000 جنيه للدوام الكامل ثابت عدا الحوافز والمبيعات.

ساعات العمل الليلية من 10 ليلاً حتى 7 صباحاً , المرتبات من 1300 - 1500 جنيه ثابت عدا الحوافز والمبيعات للدوام الكامل.

الدوام الجزئي نهاري فقط:

... يوجد ساعات عمل مرنة بنصف دوام نهاراُ :

من الساعة 1 ظهراً حتى 6 مساءً المرتبات 500 جنيه للدوام الجزئي ثابت عدا الحوافز والمبيعات.

من الساعة 6 مساء حتى 10 ليلاً المرتبات 500 جنيه للدوام الجزئي ثابت عدا الحوافز والمبيعات.

أيام اجازة مرنة حسب رغبة الموظف .

القاهرة للاتصال وتحديد موعد للمقابلة هاتف : 27044603

الشركة اسمها فيرجو

وعنوانها المعادي الجديدة

&#92;وده ايميل تبعهم علشان الناس تاخد بالها

rashavirgo@yahoo.com

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

شركه اوراق ماليه تعمل بمجال البورصه بالمعادى تطلب خريجين او طلبه للعمل بمرتب 2000 للتواصل يرجى الاتصال على

01517111247

دى الشركه الى بقولك عليها وف زيها كتير لو كان ف بالى كنت والله احتفظت بيهم دى ف عماير صقر قريش اتوستراد المعادى وكل الى بيروحو بيجمعوهم ف ا وضه ويديوهوم محاضره عن الفوركس ويطلبو منهم تمن كورس 600 جنيه بلس انك تدفع 600 دولار ويا كسبت يا لا وبعدين يفكر يشغلوك ولالا تفتكرو ده نسميه ايه يعنى وطبعا اهم حاجه انه بيقنعك جامد عشان قبل متمشى تدفع 600 جنيه

ــــــــــــــــــــــــــــــــــــــــــــــــــــــــــــــــــــــــــــــ

وزير القوى العامله يحذر من 6 شركات سعودية للسفر

كتبت - غادة أصلان:

حذر د. أحمد حسن البرعي وزير القوي العاملة من التعامل مع 6 شركات سعودية وهي المشاعر الدولية ومواسم البركة والمزدلفة وعرفات الدولية وعلوان وبني سمار.

كما حذر المواطنين من الانسياق وراء الشائعات وسماسرة السفر. مناشدا عدم التواجد بديوان عام الوزارة لاستكمالها اعداد جوازات الحج وانه لن يتم التعامل إلا مع أصحاب الجوازات التي بحوزة الوزارة.

منقول من جريدة الجمهوريه -الأثنين 03/10/2011

ــــــــــــــــــــــــــــــــــــــــــــــــــــــــــــــــــــــــــــــ

وهنا هعرضلكم بعض تجارب أصدقاءنا فى الجروب 

مع الشركات اللى اتعاملوا معاها ووجدوا انها شركات مش كويسة

وأتمنى أننا كلنا نتعلم ونستفيد من أخطاء غيرنا حتى لانكرر نفس المشكلة

ــــــــــــــــــــــــــــــــــــــــــــــــــــــــــــــــــــــــــــــ

دا موقف حصل مع أحد أصدقاءنا فى الجروب مع احدى الشركات

شركه اسمها اكتوبس مصر ليها فرع فى المهندسين وفرع فى حلميه لزيتون كانوا طالبين محاسبين وبعدين روحت الانترفيو مليت استمارة بفلوس طبعا وفى الاخر قالى هتشتلى مندوبه كفترة تدريب قولتله ايه علاقه دا بالمحاسبه قالى لازم تعرفى كل حاجه عن الشركه الاول وكلام ميدخلش عقل طفل 

ــــــــــــــــــــــــــــــــــــــــــــــــــــــــــــــــــــــــــــــ

ودا موقف أخر

ــــــــــــــــــــــــــــــــــــــــــــــــــــــــــــــــــــــــــــــ

شركه فلتر كوين هكتفي بالاسم عشان قصتها طويله بعتبرها نصب على الناس اللى بتشتغل واللى بتقدم والناس اللى بتشتري المنتج وخصوصا انه غالى جدا وبيدفع على اقساط

ــــــــــــــــــــــــــــــــــــــــــــــــــــــــــــــــــــــــــــــ

aii kamal

نا بقى اتنصب علايا كتير فى شركة اسمها الدولية جروب او انتر ناشيونال جروب دى نصابة جداااااااااا بس مش هقدر اكتب اكتر من كده لانى حكايتى معاها حكاية وطبعا الابليكشن بفلوس

ــــــــــــــــــــــــــــــــــــــــــــــــــــــــــــــــــــــــــــــ

الشركة السورية _ فى جسر السويس _ محطة المصانع _ شارع الصفا والمروة *** الشركة دى كنت رايح اشتغل فيها فى مجال المحاسبة وبردو خالونى املىء ابلكيشن ولقيتهم شغلونى مندوب مبيعات اشتغلت ورضيت بشغل وقولت مش مهم اهو اخد خبرة ومنها اخد فلوس المرتب كان600 اشتغلت... وبسبب انى عرفت انهم نصابين قررت اسيب الشركة فنصبو عليا وما اخدش منهم الا 150 جنيه من 600 جنيه واقسم بالله هذا حصل ))))

ــــــــــــــــــــــــــــــــــــــــــــــــــــــــــــــــــــــــــــــ

Amr Ahmed

المكتب : التوحيد و النور للنقل الجماعى

العنوان : برج الباشا 3 - شارع العريش - من شارع الهرم - الجيزه

اسم الوظيفة : تسويق

... التفاصيل : المفروض انها شركة لتسويق مهرجان السياحة و التسوق لمده شهرين بمرتب 1500 جنيه مصرى بعمولات فد تصل المرتب الى 2000 او اكثر حسب المجهود

*** و اليكم تفاصيل النصب و الجريمة ***

قابلت النهارده واحدجاى من الشرقية علشان يشتغل هناك ورحت معاه علشان ميعرفش القاهره الكبرى كويس . و لانه مكنش فيه حاجة اودامه مؤقته قرر انه ييجى و يشتغل علشان مينفعس يفضل عاطل . و لما رحنا قابلتنا واحده و قالتله بس يا كابتن انا من راى تمشى علشان هتاخد مرتب 500 بالانتقالات و بكل حاجة و فيش سكن و لا اى حاجة ده حتى الناس اللى استغلوا فى التسويق و مضوا المرتبات على المبلغ ده هينزل المرتب معاهم ل 500 جنيه ( يعنى نصبوا على اللى شغالين كمان فى الشركة اصلا )

و لما كلمنا الرقم اللى كان مكتوب فى الاعلان قال انه ميعرفش حاجة عن الموضوع و انه كفايه اوى انهم شافواه و اتعرفوا عليه .. و لما قاله انا مكلمك قبل ما انزل الزقازيق و قلت على التفاصيل ديه قال معرفش حاجه . و دخلنا لشيخ المنصر علشان نفهم منه الموضوع كان بيتهرب من الاسئله و فى الاخر علشان يهرب من المواجهه قاله فيما معناه انه من الاخر كده انت متنفعش فى التسويق من غير ما يعمل ليه انترفيو حن

ــــــــــــــــــــــــــــــــــــــــــــــــــــــــــــــــــــــــــــــ

Ramy Mahmoud

فى مراكز برده اللى بتدى تعليم icdl,4 level English شهرين دى ب 350 مستوى التعليم عندهم بايظ جدا منهم lمركز اسمه c.b.s خدت فى شهرين ولا فيهم اي استفاده

ــــــــــــــــــــــــــــــــــــــــــــــــــــــــــــــــــــــــــــــ

Eman Hassan

شركة الفايز فى 49او47عباس العقاد مطلوب خدمة عملة وسكرتيات من غير اى كورسات ولا شهادة جامعية وخبرة

ــــــــــــــــــــــــــــــــــــــــــــــــــــــــــــــــــــــــــــــ

Eman Ismail

ايوه انا اتنصب عليا في شركة انترتاشونال الدولية واشتغلت 4 شهور وماخدتش ولا مليم هي

في روكسي عند الميريلاند

ــــــــــــــــــــــــــــــــــــــــــــــــــــــــــــــــــــــــــــــ

***** منقــــــــــووووووووول..........

عموما اغلب الشركات الى فى فيصل و شارع الهرم الى تلقيهم كاتبين فى الاعلان 2000 جنيه مرتب و الشغل ده كله اتصل واستفثر فى التيلفون قبل ما تروح و مضوع الابليكشن بفلوس ده برضو اول ما تلقيه اتكل على الله على طول و امشى

ــــــــــــــــــــــــــــــــــــــــــــــــــــــــــــــــــــــــــــــ

ahmed mohamed

انا ليا صاحب بيشتغل في فودافون قالي امبارح علي حاجة بتتعمل في الناس عشان يحذرني منها

وهي ان في ناس كتير بتتصل بالشركة عشان تشتم او تزعق للي بيردو عليهم ويقولو ان رصيدهم بيتسب اول باول والشركة نصابة والكلام ده

الناس دي جالها رسالة من فودافون بيها رقم او كلمة السر وبعدين يتصل واحد بيهم ويقول انه اتش ار من فودافون ويعملك انترفيو بسيط في الفون وبعدين يقولك انت مبدأيا اكسبتد ويطلب منهم كلمة السر اللي جات في الرسالة عشان يسجل بياناتك عنده وبعد شوية يلاقي الرصيد زيرو؟؟؟؟؟؟؟؟؟؟؟؟؟؟؟؟؟!!!!!!!!!

الموضوع وما فيه ان موقع فودافون بيسمحلك تعمل Registration للخط بتاعك ويبقي كده انت ليك اكونت خاص بالخط ده فيه بياناتك ونظام الخط وخلافه الى جانب انه فيه حاجة وهي انك ممكن تعرف رصيدك اد ايه منه (بدون مقابل) وكمان تقدر تحول رصيد لاي رقم منه مباشرة وهي دي الزتونة

النصاب بيدخل ع الموقع ويسجل خطك (مش عارف بيجيب الرقم منين ) بأي بيانات وبعدين الموقع يديك الباسورد بتاعك في رسالة ع الموبيل وهي دي اللي يقدر من خلالها يدخل الاكونت الخاص بخطك (زي الفيس بوك كده)

ويروح متصل بيك عشان يعرف الرقم ده منك بحجة انه من اتش ار فودافون ويعمل فيلم عليك وبعدين يطلب منك الرقم بحجة ان ده الرقم اللي هيحدد بيه مين اللي هييجي عشان الانترفو النهائي في الشركة نفسها

ويروح داخل يسحب رصيدك كله واي رصيد تاني اول باول

ياريت نخلي بالنا عشان النصابين كتروا مش عارف ليه ربنا ياخدهم

ــــــــــــــــــــــــــــــــــــــــــــــــــــــــــــــــــــــــــــــ

دا موقف حصل لبنت وحبيت تحذر البنات

ــــــــــــــــــــــــــــــــــــــــــــــــــــــــــــــــــــــــــــــ

لقيت رقم مطلوب سكرتيره هنا اتصلت واحد رد عليا وقلي انا عاوز سكرتيره خاصه واتزوجها عرفي تخيلوا

ياريت البنات يكونوا حذرين

وجزاكم الله خيرا ونفع بكم علي مجهودكم

الرقم 01147172245

ــــــــــــــــــــــــــــــــــــــــــــــــــــــــــــــــــــــــــــــ

Amr Ahmed

بعد إذن أصحاب الجروب ..أرجو الحذر من التعامل مع صاحب هذا الإيميل حيث أنه يستقطب الفتيات للرذيلة والنصب وللتأكد إبحثوا عن إعلاناته على الإنترنت والحمدلله الذى نجانى منه وحسبى الله ونعم الوكيل فيه أرجو الحذر منه وأرجو النشر

thefox_man11@yahoo.com

Mee Maa خلانى سافرته اسكندرية وقالى ان المقابلة هتكون فى فرع الشركة الاصلى عند حضور اللجنة فى المنياااا

Mee Maa سبحان الله انا طول الليل وطول الطريق قبل ما اوصله كنت بستغفر واكيد ده اللى نجانى وربنا نور بصيرتى ربنا يستر على نساء المسلمين البنى ادم ده لازال بينزل اعلانات لعقود عمل ربنا ينتقم منه ويجعل كيده فى نحره

Mee Maa اصلا هى مش شركة هو وهمنى انه بيفتح فرع جديد وهياخد منى الورق فى الشارع ووقت ما تيجى اللجنة تعمل الانترفيو هسافر لمحافظة تانية فيها الشركة الأصلية ولما بحثت عنه بعد ما اديته الورق اكتشفت ان اعلاناته كلها تطلب سيدات وفتيات وايميله ظهرلى فى بعض الاعلانات القذرة ومفيش شركة اصلاً

Mee Maa 01120513269--01141085751 دى ارقامه

ــــــــــــــــــــــــــــــــــــــــــــــــــــــــــــــــــــــــــــــ

تحذير هـــــــــــــــــــــــــــــــام

يا جمااااااااااااعه تحذر مهم الشركة اللي بتقولك اتصل برقم 1755 او رقم تاني بيبدء ب 09000 دي شركة نصابه وبتعمل كده علشان الدقايق بس بتفضل تطول عليك ومش بتشغل ولا حاجه وكل اسبوع بتنزل اعلانات كتير ف الوسيط والتلفزيون

ــــــــــــــــــــــــــــــــــــــــــــــــــــــــــــــــــــــــــــــ

تحذير هام جدا من

فى شركة نصابين بياخدو 400 ج علشان يشغلو الشباب فى فنادق فى شرم و مرسى علم بمرتبات متوسطها 500 و ممكن يقل و قل ما اذا زاد و الشباب يروح هناك يتفشوهم و فى الاخر علشان فلوسهم تروح عليهم الشركه ديه فى حدايق القبه فى شارع من الشوراع المطله على سور القصر الجمهورى اسمها شركة الرواد لادارة و خدمات الفنادق 354 ش طنطا تليفونهم 24518783 و ليهم ضحايا كتير اللهم بلغت

ــــــــــــــــــــــــــــــــــــــــــــــــــــــــــــــــــــــــــــــ

مطلوب شباب من الجنسين للتدريب و العمل فى مجال الكول سنتر خبره و بدون بالمؤسسه العربيه للصيانه / مؤهلات عليا بمرتب 950 جنيه + عموله يشترط الجديه و الالتزام لارسال ال c.v على ايميل

misshager_hr@yahoo.com

ــــــــــــــــــــــــــــــــــــــــــــــــــــــــــــــــــــــــــــــ

Hady Youns TheViper Rko

الشركه ده تحت السلم ماشي وبعدين هيقلك هندربك بس هتدفع 200 جنيه

عمرك شفت شركه بتدرب حد وبتاخد منه 200 جنيه وكمان في الأخر هتطلع تلي سيلو مش كول سنتر25 

وكمان بيغيروا الميل باستمرار

ــــــــــــــــــــــــــــــــــــــــــــــــــــــــــــــــــــــــــــــ

( الشركة السعوديه للاصدار والتصدير)

========================

تمام عملت ابليكشن وبعد كده الولد قالي عايز 3 جنيه عشان الابلكشن طبعا انا من الجروب استفدت كتيييييييير بجد فقولتله خلاص مش عايزة اشتغل قالي ليه ومش ليه قولتله اول مرة اسمع اني ادفع ومش اتكسفت حقي المهم فقالي طب استني ودخل للمديرة وقالها فقالتله داخلها ودخلت فعلا وقالتلي ع نظام الشغل واني عشان مش واخده كورس تنميه بشريه وخدمه عملا للتسويق فهيدروبني ع كده شهر وعليه راتب وكده وبعد كده هبقي ع حسب التدريب هوصل ليه ودماغي ازاي ياما مدربه ياما مديرة تسويق الموضوع جديد عليا ممكن حد يفيدني ويقولي الشركة دي كويسه ولا لا بليز

ــــــــــــــــــــــــــــــــــــــــــــــــــــــــــــــــــــــــــــــ

لو هتسافر للسعودية احذروا من هذا الفخ 

الموضوع دا بقا مهم جدا فقولنا لازم نضيفه لاعضاء شغلني شكرا خصوصا انه بيتنصب عليك وبالاضافه لكدا ان النصب بيحصل خارج بلدك وممكن تتبهدل وهو بسسب الفيزا والمسمى الوظيفي بتاعك

انا بتك عليها 

المسمــــــــــــــــــــــــــــــــــــــــــــــــــى الوظـــــــــــــــــــــــــــــــــــــــــــــــــــــــيفي

 وهنشرحلكم بالتفصيل

وظائف فى السعودية - وظائف خالية السعودية - وظائف خالية فى السعودية - وظائف السعودية 2011 - تاشيرات الخارجية السعودية - السعودية وظائف - وظائف فى السعودية 2011 - السعودية وظائف شاغرة - وظائف شاغرة السعودية - وظائف 2011 في السعودية وظائف السعودية الرياض - اجراءات السفر للسعودية - وظائف السعودية 2010 - وظائف شاغرة فى السعودية - تاشيرات السفارة السعودية - وظائف السعودية اليوم - اعلانات وظائف السعودية

بس خلينا نقول ان الشاب في مصر وهو في الكلية بيبقي متخيل انه هيطلع من الجامعة هيلاقي الدنيا فاتحه ايديها الواسعة ليه وان المستقبل هيبقي دولارات دولارات علي رأي مصطفي قمر

وبيفضل الاحساس ده عنده لغاية مابيتخرج ويبص يلاقي نفسه مش لاقي ولا فرصه عمل ولا اللي بيدور في صحرا ولما بيلاقي فرصه بتبقي استغلال لصحته ولمجهوده يعني بتبقي وظيفة سيس في شركة سيس

وبعد كده بيبدأ يفكر انه يسافر طالما انه مش لاقي هنا فبيقول ياعم بلدي مش مقدراني والله لادور علي سفر

يبدأ رحلة رمي سيفيهات في مكاتب السفريات طامعا انه يروح اي دوله من دول الخليج وتبقي الحياة والمستقبل ريالات ريالات

الحاجة الخطيرة هي ان دلوقت مكتب السفر يقول لخريج تجارة انا هطلعك علي فيزا سائق خاص او عامل بناء او حارس خاص الخ انما يابني العقد بتاعك هتكون فيه محاسب وهيتحدد راتبك في العقد

وانت تبدأ تسأله سؤال برئ طب ليه الفيزا ما بتكتبش فيها محاسب من البداية يقولك لالالا انا هفهمك يابني ويحاول يقنعك ان السعودية مليانة محاسبين سعوديين وان الدولة بتحارب اي حد يجيب محاسبين مصريين نظرا لنظام السعودة فيقولك احنا هندخلك السعودية علي انك سائق خاص مثلا انما انت هتشتغل عند الراجل محاسب وهيبقي ليك احترام

ويقولك مرتبك 1500 ريال والراجل كفيلك هيظبطك

تبص يامعلم تلاقي كل ده كان وعوووود واول حاجه هيقولهالك الكفيل انا مش هديك غير نص المرتب عاجبك ولاتمشي انا بفلوسي اجيب عشرة مصريين تانيين

وهو متأكد انك مش هتمشي علشان انت اتكلفت بتاع 10000 جنيه مش هينفع تروح الا لما تجيبهم

غير كده وكده الفيزا اللي بيبقي مكتوب فيها سائق خاص تستلزم انك تكتب ف البطاقة سائق خاص وفي الباسبور سائق خاص ويعني ماينفعش تدور علي اي شغل احسن هناك لانك ببساطة اول مابتقدم في مكان تاني يقولك انت سااااائق مش محاسب

وكمان الفيزا دي ماينفعش انك تعمل استقدام بمعني انك لو اتجوزت ماينفعش تجيب مراتك معاك

م الاخر اوعي حد يا اخواني يروح مكتب ويقولوا هنكتبلك في الفيزا عامل او سائق او حارس لان ده بيبقي فخ كبير مش عاوز حد يقع فيه

ــــــــــــــــــــــــــــــــــــــــــــــــــــــــــــــــــــــــــــــ

تنبيه و تحذير من شركة كيو نت Qnet

و قلت ما اراه و ما يمليه على ضميرى و ما شاهدته و لكن لازالت الكيونت تكبر فى مصر و لازال المزيد من الضحايا يتساقون غير مبالين انهم سقطوا ضحية نصب كبرى و كمان سيخسروا اصدقائهم الذين تسببوا فى النصب عليهم بسبب كيونت..

فى الفترة الماضية قمت بالمزيد من البحث و التحرى عن الكيونت و قمت بعمل حسابات معقدة كثيرا و كان معى الاخ الكريم menshawy و قد تعاهدنا ان نأخذ على عاتقنا مهمة تحذير الناس من الكيونت و سنبذل قصارى جهدنا فى ايصال صوتنا للجميع.

فى البداية اود ان اكرر اننا لسنا اعداء او منافسين للكيونت لعدم وجود اى صلة فى البيزنس بيننا و بينهم و لكننا اصدقاء لكل اعضائنا و اصدقائنا و اصدقائهم و اخوانهم وواجب علينا التحذير من هذه القصص و الحوارات.

بالامس جلست مع احد المدربين بكيونت لاستمع منه بشكل تفصيلى اكثر حتى لا يكون الحكم على السمع او على كلام الاخرين او الانترنت..,الكلام الذى قاله كلام جميل و لكنه غير حقيقى بالمرة فحصولك على 45 الف دولار شهريا هو امر من وحى خياله او خيال الشركة او خيال من اقنعه كما ان تحقيق هذا الامر مستحيلا تماما باى عملية حسابية لان الشركة ستلفس حتما حتما.

ساقوم بسرد الحقائق و التفاصيل التى قالها و التى سافندها هنا و اترك الجميع للتفكير و تحكيم عقولهم فلن يزيدنى او ينقصنى انك اشتركت مع كيونت او لم تشترك و انا اقوم بواجبى فى التنبيه و التحذير موضحا كلامى بالادلة و الحقائق و المستندات و الصور و ليس كلاما مرسلا كما يقوم به المسوقين لهذه الشركة.

ساقوم بسرد التفاصيل التى قالها الاخ المسوق للشركة و اقول انه اخ لانه شاب مثلنا يحلم بتحقيق ارباح و فلوس و هذا حقه و لكن اتمنى ان من يصله صوتنا ان يسعى للتنبيه.

1- الشركة نظامها هرمى محرم شرعا:

المسوقين يقولون انه نظام شبكى و ليس هرمى و انه معتمد على وجود سلعة و ليس على جميعة و تلبيس طواقى و لكن الحقيقة انه لا فارق بين ما يسمى شبكى او هرمى و اتحدى من يثبت بالدليل انه يوجد فارق بين الاثنين..

اذا كنت لا تريد ان تقتنع بان الاثنين واحد فابحث عن الانترنت و ان لم تكن متفرغا فاليك الصورة تسهل عليك.

هذه هى صورة للتسويق الهرمى و هى نفس طريقة تسويق شركة كيونت كما شاهدتها امس..ووجود نص يمين و نص شمال لا ينفى انه تسويق هرمى..و من يقول غير ذلك عليه ان يحضر ادلة موثقة و ليس كلاما مرسلا.خلينى انا بقول كلام و خلاص..ادخل على جوجل و اعمل سيرش فى الصور عن كلمة تسويق هرمى و اتفرج

ات اى مثال من الشركة سواء حظاظة الطاقة او ساعات بى اتش ماير اللى عمرى ما شفتها فى اى محل ساعات محترم الامثلة من الموقع كتيرة جدا جدا و كلها نفس الوضع.

طيب السياحة بقى اللى هم واهمين بيها الناس لم تقرأ انت الهيدين fees فيها لان موهوم بالدولارات الساقطة من السماء.

1- الحجز يكون حسب الavailabilty للفنادق و غالبا لن تجد availabilty فى الفنادق المحترمة.

2- يتم دفع 100$ عن الفنادق التى لا تخضع لملكية كيونت و بما انت 99% من الفنادق لا تتبع كيونت فانت لن تجد اى فنادق اخرى و ستكون مضطرا لدفع 100$ عن كل فرد.

3- ايضا لا يوجد اربعة افراد و الحجز لو وجد سيكون لفردين فقط و من يقول غير ذلك اتحداه ان يثبت انه ذهب بثلاثة افراد الى هناك.

4- برضه الاسعار فوق الخيالية لان ده تايم شير معروف من زمان فى مصر و العالم.

5- تحويل الباقات يساوى 50$ على الفرد

المفروض ان الثمن هو 1800$ يعنى 10 الاف جنيه مصرى و يديك السفر لكام الف منتجع لمدة كام سنة.

طيب فى مصر بعشرة الاف جنيه تقدر تاخد تايم شير لمدة 20 سنة فى منتجعات فى مصر كتيرة جدا,حتقولى لا احنا بنتكلم برة حقولك بيس انا صديقى اشترك فى كيونت من اجل السفر و لقى انها نفس المصاريف تماما مفيش اى توفير و طبعا الكلام ده على الورق و لسة لما يروح حيشوف و يتفرج و حبقى احكيلكم هو مسافر فى سبتمبر على اى حال و انا اقسم لكم

لو وجد ما قرا عنه ساكون اول المشاركين.

انتبهوا الى كيونت فهى خدعة كبيرة..

و كمان تحقيق صحفى من خمسة ايام عن النظام الهرمى..

هل لازلت مقتنعا بعصيان ربك مقابل حفنة دولارات لن تحصل عليها فى النهاية.

هل لازلت مقتنعا ان السماء تمطر ذهبا؟

هل لازلت مقتنعا انك يمكنك ان تربح مئات الدولارات و انت قاعد فى البيت مقابل ان الاخرين هم من يعملون.

صدقنى ان واهم و لا تبنى قصور السراب لانك ستفيق و انت خاسر اصدقائك و مالك و ربك..

فكر مليا و ان كنت شربت المقلب فاستعوض ربك فوالله هذا يساوى الكثير.

او لو لديك شيئ حاول استخدامه قبل ما تذهب الشركة الى ادراج الرياح.

ــــــــــــــــــــــــــــــــــــــــــــــــــــــــــــــــــــــــــــــ

تحـــــــــــــــــــــذير

يا جماعة فيه شركة جديده بتفتح فرعها ببنها لأي حد بيدور علي شغل جوا بنها

تعلن الشركة العربية العالمية و غرفة تداول العملات الاجنبية تريد فور ايجبت فرع بنها عن حاجتها للأفراد من الجنسيين للعمل بالبورصة(مراقب مؤشرات عملات أجنبية) بخبرة و بدون

علي من يرغب الأتصال علي01288962636- 01002487785

أولا الشركة دى بتعمل اعلانات عشان طبعا الشباب يجرى يقدم على شغل وبعدين بعد ما يروحوا السيمينار اللى بيعملوه بيقعدوا يقولولهم هتاخدوا الكورس الاول بمبلغ معين وبعدها هتشتغلوا طبعا كله نصب واللى خدوا لكورس لا شغلوهم ولا حاجه بيلموا فلوس وخلاص فخالوا بالكم وفى شركه تانى نفس الطريقه بردوا بس مش فاكره اسمها عموما اى اعلان تبع اى شركه تقولك تداول فالبورصة ويطلبوا منك فلوس للكورس عشان يعينوك يبقه نصب

ــــــــــــــــــــــــــــــــــــــــــــــــــــــــــــــــــــــــــــــ

Trade For Egypt

دي شركة فوركس كانت عاملة اعلان في الوسيط، اتصلت بيهم قالولي ابعت السي في على الميل اللي في الاعلان، بعت، لقيتهم باعتينلي ميل النهاردة اني اتقبلت بشكل مبدئي واني اروح احضر سمينار ليهم يوم الجمعة، والوظيفة هتكون محلل مؤشرات وتريدر، وهاخد كورس قيمته 6 الاف جنيه الشركة هتتحملها وانا هدفع 400 جنيه بس المصاريف الادارية

السؤال بقى ... هل الموضوع نصب وخلاص عشان ياخدو من الناس ال 400 جنيه ولا الموضوع بجد والفلوس دي جدية مني 

يا ريت اللي عنده معلومة يقولها والسايت بتاعهم ن عليه كل التفاصيل عشان ا

أسم الوظيفة : Trader كود الوظيفة : #5555

المؤهل : يشترط مؤهل عالى

الراتب : 2000 جنيه مصرى 

شروط الألتحاق : يتم الالتحاق بالوظيفة بعد أجتياز الاختبار الفردى او الجماعى التى تعده الشركة حيث يقوم الموظف بأدارة حساب الشركة دون عمولات أو تحمل خسائر وتتحمل الشركة كافة المخاطر .

أسم الوظيفة : Trainer كود 

الوظيفة : 5556#

المؤهل : يشترط مؤهل عالى 

الراتب : 2000 جنيه مصرى

شروط الالتحاق : يتم ترشيحه من قبل مدربه فى الشركة وبعد الموافقة عليه من قبل مدير شئون العاملين يستلم وظيفته التى من خلالها يقوم بتدريب 10 أفراد شهريا ويكون مسئول عن ألحاقهم واختيارهم وتدريبهم وان يجتاز الاختبار الجماعى بهم .

أسم الوظيفة : مدير محفظة ممولة 

كود الوظيفة : 5558#

المؤهل : يشترط مؤهل عالى 

الراتب : 2000 جنيه مصرى 

شروط الالتحاق : ستقوم الشركة بتمويل المحفظة بقيمة 1000 دولار عن طريق فتح فيزا بأسم المتقدم للوظيفة فى احد البنوك على ان يقوم المتقدم للوظيفة بعمل 40 عقد Standard شهريا والمكاسب التى يحصل عليها الفرد المتقدم للوظيفة نتيجة ادارة المحفظة هى ملك خاص له ولاتأخذ الشركة أى نسبة من الارباح وكذلك لاتتحمل الشركة اى خسائر ناتجة من خسارة المحفظة وكل هذا يتم داخل أطار الشركة حتى يتثنى للمتقدم الاستفادة والتواصل مع باقى موظفين الشركة

أسم الوظيفة : Sales

كود الوظيفة : 5559#

المؤهل : يشترط مؤهل عالى 

الراتب : 2000 جنيه مصرى 

شروط الالتحاق : أن يقوم المتقدم للوظيفة بجلب عدد من الاشخاص يقوموا بأستثمار أموالهم الخاصة فى البورصة بأنفسهم ويتم دعمهم الفنى والتقنى من خلال الشركة شرط ان يكون عدد العقود التى يفتحها جميع المستثمرون فى الشركة لاتقل عن 40 عقد Standard شهريا .

Trade For Egypt

طبعا كل الكلام ده كذب وهيقولك انك لازم تاخد كورس علشان تبقى متمكن وحاجات غريبة كدا لحد ما الفلوس تضيع عليك 

ــــــــــــــــــــــــــــــــــــــــــــــــــــــــــــــــــــــــــــــ

يا ريت كل اللي عنده اضافة يكتبها عشان الكل يستفيد

اقرأ ايضا :

معظم اسئلة الانترفيو الشائعة بمجال خدمة العملاء والمبيعات والرد عليها

اكبر تجميعة اسئلة اى كيو وانجلش وبعض الاجايات

كل ايميلات شركات خدمة العملاء وارقام الاتش ار

ازاى تنجح فى المقابلة الشخصية لاى وظيفة فى اى شركة بدرجة امتيااااز

الاسئلة اللي بتبقي في اي انترفيو في اي كول سنتر

IQ Test Online

Enlish Test Online

مـــــــــــــــــ تحيـــــــــــــــــ ادارة شغلني شكرا ـــــــــــــات ــــــــــــع

Résuméshghlnyshokran